Kohezgjatja e projektit: Maj 2014 – Dhjetor 2014

Projekt i financuar nga REC Shqiperi:

Përmbledhje e Projektit:

Ky projekt synon të rrisë ndërgjegjësimin publik të qytetarëve, zyrtarëve local dhe të rinjve për rolin e ndarjes së diferencuar dhe të riciklimit në mbrojtjen e mjedisit dhe pakësimin e mbetjeve. Nëpërmjet sesioneve ndërgjegjësuese, trajnimeve dhe aksioneve konkrete në qytetin e Himarës, synohet të krijohet një model për t’u marrë shembull nga të tjerët në lidhje me funksionimin e bashkëpunimit midis pushtetit lokal, biznesit privat dhe qytetarëve, për një zhvillim të qëndrueshëm.

Qëllimi i Projektit:

Edukimi i qytetarëve dhe të rinjve me kulturën e ndarjes së diferencuar dhe riciklimit nëpërmjet aktiviteteve konkrete

Objektivat e Projektit:

a- Ndërgjegjësimi i qytetarëve dhe i të rinjve të shkollave 9-vjeçare e të mesme në Bashkinë e Himarës për rëndësinë e ndarjes së diferencuar dhe të riciklimit;

b- Bashkëpunimi i pushtetit vendor dhe i shkollave me kompaninë e riciklimit të mbetjeve për të patur një vazhdimësi dhe qëndrueshmëri të proçesit të riciklimit të mbetjeve;

c- Realizimi i aktiviteteve ndërgjegjësuese dhe aksioneve konkrete mjedisore në ditët mjedisore kombëtare dhe ndërkombëtare

Aktivitetet/shtrirja kohore:

1- Takime dhe konsultime me përfaqësues të autoriteteve lokale,  Bashkinë Himarë, Drejtorinë Rajonale Arsimore, aktivistë mjedisorë, përfaqësues të shoqërisë civile etj, për prezantimin e iniciativës – Maj 2014;

2- Realizimi i 12 sesioneve edukuese për rëndësinë e ndarjes së diferencuar dhe të riciklimit me qytetarë e të rinjve në shkollat e Bashkisë Himarë – Maj, Qershor 2014;

3- Aktivizimi i proçesit të riciklimit në shkolla nëpërmjet pajisjes së shkollave me kazanët përkatës për çdo mbetje të riciklueshme dhe nënshkrimin e marrëveshjes me kompaninë EMMAUS Vlora për tërheqjen e materialeve çdo javë – Shtator 2014;

4- Organizimi i aktiviteteve konkrete dhe sensibilizuese në ndihmë të mjedisit në ditët kombëtare dhe ndërkombetare të mjedisit – Maj – Dhjetor 2014;

5- Realizimi i një konkursi midis shkollave dhe ndarja e çmimeve simoblike në prani të përfaqësuesëve të Institucioneve Lokale, qytetarëve dhe mediave lokale – Nëntor 2014;

Rezultatet e projektit:

a- Përfshirja në këtë iniciativë e mbi 2,000 qytetarëve dhe të rinjve, të shkollave 9-vjeçare e të mesme të Bashkisë Himarë nëpërmjet dhënies së shembullit personal të riciklimit të mbetjeve;

b- Krijimi i një bashkëpunimi afatgjatë midis pushteti vendor dhe kompanisë së riciklimit EMMAUS Vlora, për vazhdhimësinë e proçesit të riciklimit në vazhdimësi;

c- Krijimi i modeli të ri të aktivizimit të të rinjve në mbrojtjen e mjedisit duke ndërgjegjësuar qytetarët, komunitetin dhe autoritetet publike për të nxitur riciklimin në të gjithë Bashkinë e Himarës.